يامرايتي يا مسحورة بقلم الاستاذة ماجدة الرخ
يامرايتي يا مسحورة
قوليلي مين فى الصورة
ببص مش عارفاني
ولا عارفة مين قدامي
ولا عارفة ماله زماني
خاصمني وليه بكاني
يامرايتي مش لقياني
جوايا تاهت احلامي
وضاعت مني ايامي
جوايا حابسة دمعتي
مين معايا فى وحدتي
غير أنيني وشكوتي
يامرايتي كنتي صحبتى
وكانت جميلة ضحكتي
يامرايتي مش فكراني؟
أنا الجميلة الطيبة
والضحكة مني قريبة
وكانت بعيدة دمعتي
وكان الزمان مصالحني
وألكلمة الحلوة تفرحني
وكان الجمال يشبهني
قبل الزمن ما يشوهني
وتتوه ملامحي جوايا
وتبقى قصة وحكاية
تنفع تكون الف رواية
ماجدة الرخ
تعليقات
إرسال تعليق