هي غربة بقلم الاستاذة مشيرة النقيب
ورجوعا للعامية
في شعر الأغاني الحر في-
❤❤❤❤❤❤❤
((((هي غربة))))
هوه فيه للغربة آخر؟
طب وامتى يكون أخرها
وانت مبتعملش خاطر
أو عملت حساب لغيرها
أوسنين عشناها فاتت
مفتكرتش عشرة مَرة
أو لكلمة حب فاكر
غير بقسوة بتفتكرنا
ليه تكون ع الهجر قادر
تنسى ليه وتروح لغيرنا
كان كلام
كنت بتقول إنتوا مني
كان ساعتها يادوب كلام
خدت كل الحب مني
وبعدها قُلت السلام
كنت بكلامك خادعني
سحر واتبدل قوام
مش راح ابكي
الدموع دي خسارة فيك
مهما اقولك ولا أحكي
كنت بايع بشتريك
كل احزاني إللي راحت
يوم هترجع يوم إليك
والسنين ياحبيبي دايرة
يوم تكونلك يوم عليك
رايحة أسيبك
يوم تروح لحبيبة غيري
انت تعشق هى تنسىَ
يومها هتجرب مصيري
تنكر الأشواق وتقسىَ
وانت منها تدوق مراري
مش غريبة
أبقى قاسية ومش حبيبة
عشت طول العمر احبك
كنت منك مش قريبة
أيوة هقسى عليك ولازم
متلاقيش من قلبي طيبة
وروح لغيري
كلها ف عنية غربة
مش غريبة
مش راح اندم يوم عليك
بقلمي
أ.مشيرة النقيب
26/12/2020
تعليقات
إرسال تعليق