الوحدة عنواني بقلم الاستاذ الوكيلي مصطفى
...........الوحدة عنواني
أنت سبابي
ومنك نعاني
اغلطت معايا ثان
اطلبت منك حقي ماجاني
صبرت عليك
والصبر معاك أش عطاني
من غير الخوف
في لحظة أحزاني
لعبك معايا أصبح مكشوف
وبالمخاطر محفوف
يكفيني منك ماجاني
لكن ربي للي قدر هاذ المكتاب
وراضية بلي عطاني
علاش يالأناني
تخلق للخصام
أعذار وسباب
لكن اليوم تلفلك لحساب
وضاع منك عنواني
ولقيت نفسك
أنت الخسران
خربت بيتك
ونا للي بعت عمري وشريتك
اليوم ضاق صبري
تعذبت ماكفاني
ومالقيت لجروحي
من يداويني
ولا فيك ينسيني
من غير سكوتي
والدمع الساكن في عيوني
باسم الحب خدعتيني
وجرحتيني
واليوم صعيب السنين
ترجع ثان
أعوام معاك عشتهم كذوب
واليوم باش تواجهني
بكلام فاض وأماني
ارجوك غير نساني
قلبك مابقاش يهواني
وأنا اختاريت
الوحدة عنواني
O
ukili mustapha الوكيلي مصطفى
21/03/2021
تعليقات
إرسال تعليق