وكفوفنا بقلم الاستاذ المحجوب بوسبولة
/////////+++وكفوفنا+++/////////
وكفوفنا مرفوعة باللطف
الطف بينا ياعز لطيف
وحنا اليوما ف حضان الولف
ياسامع صوت النملة لخفيف
اصلح حالنا يالرب لكريم
من جودك كل سباب الاصلاح
وارفع علينا كل هم وضيم
ونعم علينا بسرار لفلاح
وانت العالم كل مابيا
وشكون من مايعرف قدرك
ف الدنيا غادي غير بالنية
وانا ماعارف اش في صدرك
ساير ف طريق هذا الثقوة
نسجد نركع بالي امعاك
ارفع عني سلاسل البلوة
مولاي والقلب حبك وبغاك
بقلم صقر الحروف الزجال المحجوب بوسبولة
تعليقات
إرسال تعليق