جوز الاتنين بقلم الاستاذ الحبري ابو شهاب
جوز الاتنين
اسمعو قصة أحمد صاحبي @
أحمد صاحبي جوز الاتنين &
مرار الدنيا كله فى صدره @
ودمعه سايل على الخدين &
كانت سوسو فرحة قلبه @
وعاش معاها احلى سنين &
فى الخلفه ربنا اعطاه حقه @
وخلف منها بنات وبنين &
وفجأة إبليس لعب بعقله @
لما شاف البت نرمين &
أفتكر أن الله شرع له @
بدل الواحده ياخد اتنين &
وجا المأذون بسرعه كتبله @
وحضرو معاه يا ناس شاهدين &
سمعت سوسو قالت هين @
هوا منى حيروح فين &
أمها قالت اكسرى ضهره @
علاج ولحمه اشترى فساتين &
سمعت نرمين قالت شرحه@
من يومها أحمد شال الطين&
سوسو تشكى نرمين تبكي @
وأحمد حائر بين الاتنين &
يروح لسوسو بقولها حبيبتي @
وعلى نرمين غراب البين &
ولنرمين بيقول عشقتك @
وعشقك بيجري فى الشرايين &
نادم يا احمد على معرفتك @
عمرى ما أصاحب ابووشين &
غيرك شايل حمل بيبكى @
وأنت رايح تشيل حملين &
بقلم الحبري
أبو شهاب
تعليقات
إرسال تعليق