قصب السكر بقلم الاستاذ علي عبد الرحيم محمد
قصب السكر
٠٠٠٠٠٠٠٠٠٠٠٠٠٠
قصب السكر عسل
مسكر على أرضه
غاب المطر نده الشجر
على ابو قلب حجر
ليه وايه آخرة عنده
أولاد الشقى زرعوا
وأولاد الجفى حصدوا
وزمن الرياح وصل
اتعكر ومرر واتكسر
لما اتغير زمانه وعهده
ياقصب السكر سكر
يا ضباب عليك العتاب
افتح الأبواب اه ومطر
الشقى ف الحشى
سكن واتحجر
والله ل أغنيلك يامسكر
لما الغريب يروح بلده
ل طينة احبابه
وذكرى صباه وشبابه
ونظرة جيرانه واصحابه
ومسيره يقابل اه اللي خلقه
ويرجع حقه من اللي ظلمه
الغريب امتى يروح بلده
ياقصب يا مسكر
وابوس يدك يا خي
تنور لنا بيدك الضي
الضلمه زادت والسكه تاهت
والرحمه زي الموده هانت
و عنكبوت الغلاء والبلاء
رخص العزيز حتى الضنى
وعشش ف مشاعرنا اللي ماتت
اتكلم يازمن ليه ساكت
عايشين ايام ماليها زي
اه وابوس يدك ياخي
تنور لنا بيدك الضي
الماضي راح وماعدش جاي
واللي جاي مش قد اللي راح
يا الف اه اه ولا زي
قصب السكر اللي مسكر
على أرضه
مرر واتعكر لما اتغير عهده
والشوك ف طريقنا مزروع
والقلق والفكر ف الدق الموجوع
والرجوع للي حمدوا وصبروا
ومسير الغريب يروح بلده
قصب السكر
بقلم على عبدالرحيم محمد
تعليقات
إرسال تعليق