وافين لعيون بقلم الاستاذ المحجوب بوسبولة
/////////****وافين لعيون****/////////
وافين لعيون للي كانت
والناس لخيار للي سارت
وعيون للي ف لسان تنطق
وطبيعة بزهارها تفرق
صوت سبوعة في كل مكان
وذياب للي رحلوا من زمان
والدار للي سماوك بيها
كانت بيضا بما ليها
سيدي بليوط ناس قديمة
ورجال الزينة ولمدينة
سيد ليوث ياك مازال حاضر
في سر الله مازال ناظر
مول المجمر ساكن لبحر
اولية صلاح ماتشوف ضر
مير السلطان هنا كاين
والحي موجود ياك فيه باين
بيضا كبرات صبحت عنوان
ناطق بيها الجاي ولمكان
اعروسة وحديث فوق لكلام
مني ليها ونقدم سلام
وحدايقها تجذب الزوار
لؤلوءة تسلب كل لنظار
ف قلوب كل الناس مضيافة
اخاذة شهدة وظرافة
وملاعب رياضة اهناك
ديك الزايدة بسمة ف بهاك
امشارع زايدة وتكبر
ومساجد بجهار تكبر
اقصيدة حلوة ياناسي
من شافها يقول طاب نعاسي
معروفة البيضا ولافة
شوفة منها سر لطافة
بقلم صقر الحروف الزجال المحجوب بوسبولة
تعليقات
إرسال تعليق