تاجرالصبر بقلم الاستاذ وليد حسانين
تاجر
الصبر
للبلياتشو !!!
اشتريت الصبر مرة وب حنانهُ اشتراني
بعته ألف وألف مرة عُمره مايوم اشتكاني
الساعات من غيره مُرّة والدقايق والثواني
حُضنه فيه فرح ومسرة حُضن طيب مش أناني!!!
كان دليلي صُبح غُرَّة. كان ب ليلي ضي دُرة
جاي شايل كيس وسُرة فيها أجمل ما ف زماني
كل مجروح في المجرة حلمه ياخد يوم مكاني
نفسي تبقى الكلمة حُرة زي صبري مش أماني!!!
اشتريتهُ واشتراني واختلفنا وعدنا تاني
كُنت عاجبهُ وكان عاجبني والحنين ليّه كان يجيبني
كُنت بنسى معاه همومي واخلع على بابه هدومي
بس يا خسارة الحياة فيها شيء دايما غالبني !!
صبر أيوب اشتريت كان لي حصن وكان لي بيت
صبر يعقوب ارتضيت كان يقولي. بلاش ياريت
هو مين عارف نصيبه ولا آمن إييييه يصيبه
الحياة. ورقة نصيب والنصيب عارف حبيبهُ!!!
كُله ماشي مش مُخلد
كُله صفحة في المُجلد
انت دايم ولا فااااااااني
انت فيها يا دوب مُجند!!!!!
(وعجبي)
شعر
عامي
للبلياتشو
وليد حسانين
18/3/2022
القاهرة.. مصر..
تعليقات
إرسال تعليق