شقشق الصبح الجميل بقلم الاستاذ أسامة جديانه
شقشق الصبح الجميل
جي فيه أحلام ورؤيه
حلم كان في ليل طويل
أطفال بريئه قلوبها صافيه
حلم تلقى الدنيا جنه
والسما ألوانها زاهيه
ورد فتح في الجناين
عطور فواحه وناديه
والخَضار لون الزروع
بنت حلوه عالجسر ماشيه
ماشيه و الفستان يطير
والشمس من فوقها دافيا
نسمة الصبح العليل
زقزقة عصافير بغنوه
والمزارع وشه بيضحك
رافع أيده يدعي ربه
شايل فاسه فوق كتافه
يضرب الأرض بقوه
ومراته جايه من بعيد
شايله على راسها المشنه
جايبا فيها فطار وشاى
عود سريس وحتة جبنه
كله فرحان بالمولود
كل صُبح دا دنيا تانيه
شقشق الصبح الجميل
جوه فيه أحلام ورؤيه
(((أسامه جديانه)))
تعليقات
إرسال تعليق