محلا السمار الرباني بقلم الاستاذ أسامة جديانه
محلا السمار الرباني
اللي فتني و خلاني
خلاني اتوه عن عنواني
آه ياني منه آه ياني
هو اللي خدني و وداني
ومشيت وراها وكأني
وكأنى راجع لمكاني
أتاريني رايح على بيتها
خايف انا احتار من تاني
و حفظت ياقلبي عنوانها
ونسيت ياقلبي عنواني
يا اهل الغرام دلوني
مين السبب في نسياني
و لا دا من سحر جمالها
هي السبب في توهاني
$$$$$$$$$$$
سهرت تايه طول ليلي
و جرح القلب صبح جرحين
ماشي اتخيل مفاتنها
اللي فتني رمش العين
يا اهل الغرام الهوى قاسي
حتى العوازل و اللايمين
ياما قالوا عني وعنها
دي شغلت قلبي يدوب ساعتين
$$$$$$$$$$$$$
لو شوفتوا سمارها الرباني
اللي فتني وخلاني
خلاني اتوه عن عنواني
(((أسامه جديانه)))
تعليقات
إرسال تعليق