سامحيني يا أمي بقلم الشاعر محمد غبن
( سامحيني ياأمي )
بقلمي الشاعر/محمد غبن
شاعر آل غبن
كلمات عاميه بلغة محكيه
21/3/2022
سامحيني ياأمي مشفتكيش عشان أهنيك بعيد ميلادك
فتحت عيني لقتني كل حاجه فيا تبكي فراقك
لقتني تايه ببكي وحيد وضع شايفه مش سعيد
يعني مش شايفاه بنفسك ظلم دنيا آسي وعنيد
خلاني أبكي فراقك
طفل عمره سنه
يعني يدوب بعمر الوليد
مخبيش عليك عافرت فيها كتير
كنت بشوف ظلم فيها صنع وجودي بقيت مع الزمن كبير
مش هقولك صبحت غني أو رأسمالي
أول حاجه عملتها بعد المعافره كنت صديق لحالي
صادق في أي كلمه لأي وعد مش عويل ولا منافق أو بآكل على جميع الموائد
حر مقبلش اي ظلم او لحد عمل جميله أكونله جاحد
بس مشكلتي بتخنق من أي منافق لإنه مش مخلص تمام
دا في مفهومي إنتهازي يدوس علي اي قيم عادي جدا فيها أيه ياسلام
علشان كدا رأيي حر الظاهر وللعلم لله ياأمي وراثه
زي ماقال التاريخ عن جدي غبن وأخلاقه وحماسه
عن طيبته ويا شعبه مرضاش
وقتها بإنتكاسه
فمتزعليش علي إبنك و حاولي تيجي لو دقيقتين في المنام
هو مش حقي اشوفك ولا إنت روحتي هناك بلا وداع
ع العموم ياغاليه متقلقيش علي إبنك حلمه جواه مفيش ضياع
إنت عارفه أيه حلمي ياغاليه إني يتلم شملنا ميبقاش مشاع
طيب إزاي وأنا
عند ربنا هناك بعيده
بس إن جيت للحق عايشه بجد فرحانه وسعيده
لما روحك تبقي مع ربنا
افضل من وجودها في دنيا عنيده
انا راضيه باللي حصلي
خلي بالك أنت بس من أهل بيتك والعيال
و علي قد ماتقدر ياإبني إترحم عليا وعلي جدتك والخال
عارفه والله بتحبه جامد
الف رحمه ونور علينا
ولو عرفت هجيلك في المنام بس موعدكش
أنت عارف مش بإيدينا
كل اللي بطلبه منك يا إبني حاول بعض مره تروح لأبوك
تشوفه وتقوله أمي وجدتي وخالي باعتين سلامهم وبيقولوا هم عايزين يشوفوك
خلي بالك ياإبني م الدنيا ماتخالطش اي حد يكون شمال
عيش مع ربنا وخلي بالك من نفسك وهتبقي عال
وإوعي اشوف الحزن تاني في عينك وهني كل الأمهات
خلي كل واحد يترحم علي أمك بالدعاوي والسلامات
اجمل حاجه تبقي ذكري في كل قلب حتي لو بعد ممات
تعليقات
إرسال تعليق