كوبري خشب بقلم الاستاذ عبد الحفيظ جابر شيبة
كوبري خشب
ف بلدنا في كوبري خشب
بنعدي عليه رايح جاي
لا فيوم إشتكه ولا يوم تعب
ومهما لعبنا عليه وضحكنا
عمره ما فوجهنا غضب
وقت الحرب حاجات كتير
إدمرت وبالصواريخ بتضرب
وهوه عمره ما اضرب
أبيض واسمر مسيحي ومسلم
ويهودي شيعي وسني علوي ودرزي
كله كان بيعدي
لا كان بيطلب ورق
ولا كان ليه طلب
ولا حتى يسأل عن سبب
كنا بنعدي بالحب وبالأدب
مع إنه كان كوبري خشب
أما الغرب كان حالهم كرب
كوبريهم كان حديد فحديد
والكل كان فرحان وسعيد
وفيوم وليلة قامت الحرب
والكوبري الحديد متحملش
يومين وبإيديهم إضرب
والكل جري عالحدود
أنت أبيض تعدي
وأنت أسود تعود
ومافيش لا أكل ولا شرب
أرجع تاني تحت الضرب
إنسى حقوق الإنسان
خلاص احنا هناخد
مكانك قطة وكلب
ما الموت عندكم
سهل يا عرب
شوف فلسطين مات
فيها كام ألف شب
وأنت أسمر و بلحية وشنب
يبقى لازم تعدي من على
الكوبري الخشب
بقلمي/عبد الحفيظ جابر شيبه
تعليقات
إرسال تعليق