اللوحة الحزينة بقلم الاستاذ يحى حسين
اللوحة الحزينة
مسكت الفرشة والالوان
ورسمت للوجود صورة
لقيتني برسم طفل جعان
ودمعة في عينه مكسورة
وكمان ايدين مسكه ميزان
بس عدالته مشطورة
ووحوش بينا ومعاها غيلان
بتاكل لحم عصفورة
ورسمت جامع ورسمت اذان
بس عتابه مهجورة
ورسمت حلم وكمان احزان
جوه القلب محفورة
ما فضلش باقي غير دخان
ولوحة بالحزن ممهورة
بقلمي يحيى حسين القاه
رة
2 ابريل، 2019
تعليقات
إرسال تعليق