أنا ولبحر بقلم الاستاذ المحجوب بوسبولة
/////////+++وانا ولبحر+++/////////
وانا ولبحر عليا ماغريب
ولفو خلاني به كنبوح
درتو صاحب درتو لي حبيب
خطواتي ليه غادة وتروح
وعلى طول الشط مرفقاني
ديك النسمة الغادة بيا
ديك الجايلة ومصحباني
حاملاني ومكايسة عليا
وصلاتني لرمال ذهبية
وانا وغيري جاي والرايح
لبحر والموجة الغربية
وصداها ينعش كل سايح
امسلمة الروح ياك قدامي
فوق الصخرة وتعرفيني
ومواج بحرك تمسح قدامي
والصنارة يامسهراني
داتني ف خيالها تغريني
ومواج بحرك تمسح قدامي
خلاتني امعاها داوي
والناس حدايا فرحانة
لبحر محقق لي ماناوي
فهواه كل لقلوب هيمانة
بقلم صقر الحروف الزجال المحجوب بوسبولة
تعليقات
إرسال تعليق