تحقيق في قضية الحياة بقلم الاستاذ يوسف بايو
** تحقيق في قضية الحياة**
- أسميتك..؟
- المنسي
- أسميت أباك؟
- ساروت الدار
- اسميت مك؟
- عتبة الباب
- العنوان ديالك؟
- حوايجي
- شحال ف عمرك؟
- ممتورخش ..شلا سنين معكودة
- فاش خدام ؟
- خياط
- خياط رجال ولا نسا؟
- خياط زناقي و الدروبة
- مجوج ؟
- طلقت راسي شحال هدي
- عندك ش ولاد؟
- شي بنات افكاري
- كتستعمل ش ممنوعات ؟
- مدمن قلق و تساؤلات
- عندك ش سوابق؟
- مدوز حبس الحيرة والتيه
- اش كتكول في قضية الحياة؟واش بالصح انت حي؟
- ما فراسيش
- آآآش مافراسكش..؟!!
- ما فراسيش واش انا حي ولا عايش أ الشاف.
يوسف بايو
تعليقات
إرسال تعليق