حرب الاعلام بقلم الاستاذ بلشقر محمد
🔊حرب الإعلام🔊
امسخ الإعلام
المخزن وظف أقلام
تابعة غير الدرهم
حتى واحد فيهم ما بقى يحشم
يطبل في الهوته بلا ما يخمم
لأخبار زايفة كيعمم
باش يرضى عليه اللي كيحكم
يضرب في صاحبه إلا نطق بالحق وتكلم
القلم ولا يتألم
من قبضة المأجور بالدرهم
القلم الحر مازال يكافح ويقاوم
وما يستسلم
سر المأجورين تفضح
ما بقى ما يتكتم
والحقيقة نقولها ولو نتعدم
وطبالين الهوته يموتوا بالسم
*******
براكة علينا من الكلام الراشي
إلا تلفت المعنى
الحق راه بان
المأجور أصبح عريان
ما بقى ما يتستر في هذا الزمان
أخبارهم شاعت في كل مكان
وما بقى فيهم أمان
جرعوا الحر كيسان قطران
خلاو عقله حيران
شجعوا أباطرة الفساد في العلن
مقابل ادريهمات يا فلان
ناري على زمان
الصحافة ولات سخافة
المأجور فرحان مسرور
والحر في الزنزانة مقهور
وصاحب الحق في المحاكم مجرور
باركة يا هذا المغرور
دابا الأيام تدور
ويبان إن شاء الله النور
وفي الهوته اللي كتطبل تبقى مقبور
يويلك من كلام الزور
راه عيينا وملينا
وحرية التعبير اللي بغينا
والاقلام المأجورة تبعد علينا.
مستمر على درب الأمل رغم الألم :بلشقر محمد
تعليقات
إرسال تعليق