محال بقلم الاستاذ فتح الله المغاري
محال واش ينساك البال
محال إسمك يتمحى
غبتي أنت وبقا الخيال
شاغلني في مسا وضحى
مازال ما فقدت الأمل مازال
مازال ما طويت الصفحة
صفحة غالية في حياتي
ومرسومة في صميم القلب
وكفاش يمكن نطويها
صفحة نابعة من ذاتي
وممزروجة بخيوط الحب
ودموع لوفا ترويها
وإلا سألتها تتكلم
وتفاجي علي لهوال
وتحلى الدنيا بيها
وإلى طويتها نتألم
ونعيش ثاني في المحال
والحيرة ترجع لي بيها
باني من خيالك صورة
هي ونيستي في الوحدة
وهي كل ما كنملك صورة
فيها حياتي محفورة
تناجيني وقت الشدة
وعايش بيها من أجلك
وخا تغيب سنة وسنين
راه خيالك ديما في البال
تقدر تحرمني منك..
ومن خيالك هذا محال
محال واش ينساك البال
محال إسمك يتمحى
غبت أنت وبقا الخيال
شاغلني في مسا وضحى
مازال ما فقدت الأمل
مازال ما طويت الصفحة
فتح الله المغاري/المغرب
تعليقات
إرسال تعليق