ولد الضبع بقلم الاستاذ علي عبد الرحيم محمد
ولد الضبع
٠٠٠٠٠٠٠
ولد الصعيد الجواني
ولد الشقى الاسمراني
من اول ثمار عمره
من اول خضار قلبه
من اول نهار شمسه
زارع ب فاسه ولمسه
زارع الود ب أفعاله وهمسه
ف نبض أرض احساسه
المحبه ل كل الخلق
ول كل حبايبه وناسه
ويشهد خالق الخلق
ما حصد ولا ربح
ولا ف امتحان الفرح نجح
غير دقاته جريحه
غير نظراته حزينه
وملامح حياته
منحوته ب اهاته
ومن غدر البشر بتعاني
ولد الصعيد الجواني
ولد الشقى الاسمراني
خلاص صدق ماتت الاماني
والاخلاص والمحبه والود
حروف معزوفه واسامي
ماتت وهانت مش موجوده
غير ف كلام الاغاني
ياولدالصعيد الجواني
والله ورخصت ياغالي
والله وهنت ياغالي
وباعت واشترت فيك
الطينه الرديئه ولياليك
وخاب املك ف حسك
وف طيبة قلبك وصدقك
وانحني النخل العالي
واه يا ولدالصعيد الجواني
بيع الخسيس والجبان
ب الرخيص و للنسيان
واشتري ابن الطينه الاصيله
صاحب الدقه الصادقه الجميله
صاحب النظره الخالصه البريئه
صاحب الخطوه الرزينه الحسيسه
ب كل لحظه من عمرك
ب كل دقه من قلبك
ب كل فرحة من زمنك
وانت الكسبان
واه يا ليل ياليل
صوت الكروان عليل
واه ياليل اه يا ليل
عشنا ل لحظة ما شوفنا
الايام علينا بتضحك
ولا مره لينا بتضحك
غير للردي والمنافق والجبان
وخاين العشره وملحنا وعشنا
واه وعشنا وشوفنا
الزمن وهو ماشي ف ايام الخزلان
وصوت الكروان عليل
واه يا ليل يا ليل
وانحني النخل العا
لي
ابن الصعيد الجواني
ولد الضبع
بقلم على عبدالرحيم محمد
تعليقات
إرسال تعليق